Заказсылар өсөн семинар үткәрелде

8 июндә Башҡортостандың Конкурентлы сәйәсәт буйынса дәүләт комитеты заказсылар өсөн видеоконференция режимында семинар үткәрҙе. Сараның төп темаһы - "Бәләкәй һәм урта эшҡыуарлыҡ субъекттарынан һәм коммерцияға ҡарамаған социаль йүнәлешле ойошмаларҙан һатып алыуҙар. 44-се һәм 223-се Федераль закондар нигеҙендә суд һәм административ практиканы күҙәтеү". Видеоконференцияла 200-гә яҡын кеше ҡатнашты.

"Дәүләт комитеты һатып алыу процесында ҡатнашыусылар өсөн даими рәүештә саралар уҙғарып тора. Бындай уҡытыу семинарҙары заказсыларға һатып алыу процедураһын дөрөҫ үткәреү өсөн белем кимәлен күтәрергә мөмкинлек бирә", – тип билдәләне дәүләт комитеты рәйесе Гөлшат Арыҫланова.

Кәңәшмәлә түбәндәге һорауҙар ҡаралды:

 - һатып алыуҙарҙы ғәмәлгә ашырғанда заказсыларҙың 44-се һәм 223-се Федераль закондар нигеҙендә күҙәтеү органдары яғынан кире эҙемтәләрҙән ҡотолоу осраҡтары;

- 2022 йылдың биш айы эсендә бәләкәй һәм урта эшҡыуарлыҡ субъекттарынан, социаль йүнәлешле коммерцияға ҡарамаған ойошмаларҙан һатып алыуҙар өлөшөнөң мониторинг һөҙөмтәләрен иғлан итеү;

- һатып алыу нормативын үтәү өлөшө юғары булған муниципаль берәмектәр араһында лидерҙар, шулай уҡ ҡуйылған сикте үтәмәү хәүефе янаған муниципаль берәмектәрҙең билдәләнеүе;

- һатып алыуҙар һанын арттырыу буйынса тәҡдимдәр бирелеүе.

Семинарға әҙерләнгән материалдарҙы ведомствоның рәсми сайтының "Документтар" бүлегендә табырға була.

Фото: pravitelstvorb.ru