Һабантуйҙарҙың яңы графигы раҫланды

Республикабыҙ райондарында һәм ҡалаларында һабантуй үткәреү графигына үҙгәрештәр инде. Башҡортостан Башлығы ҡул ҡуйған указ рәсми хоҡуҡи мәғлүмәт интернет-порталына ҡуйылды.  

Билдәле булыуынса, республикала бер юлы ун районда - Белорет, Благовещен, Бөрө, Бөрйән, Мишкә, Нуриман, Салауат, Шишмә, Иглин, Федоровкала - һауа торошо сәбәпле һабантуй кисектерелде. Байрамдың яңы ваҡыты менән ошо һылтанма буйынса инеп таныша алаһығыҙ: https://npa.bashkortostan.ru/35691/

Был көндәрҙә Башҡортостанды Каспий диңгеҙенең көньяҡ циклоны ҡапланы, һөҙөмтәлә тотош республикала ҡойма ямғырҙар булды. Ғәҙәттән тыш хәлдәр министрлығы йылғаларҙың күтәрелеү хәүефе тураһында иҫкәртте.

Фото: "Башинформ".