Бөтә яңылыҡтар
Йәмғиәт
10 Июнь , 16:00

Юбилейығыҙ менән, Гүзәл Рамаҙан ҡыҙы!

Бөгөн билдәле йәмәғәт эшмәкәре, балалар әҙибәһе, башҡорт блогеры Гүзәл Ситдиҡова 70 йәшлек ғүмер байрамын билдәләй.  

Юбилейығыҙ менән, Гүзәл Рамаҙан ҡыҙы!
Юбилейығыҙ менән, Гүзәл Рамаҙан ҡыҙы!

Гүзәл Рамаҙан ҡыҙы Ситдиҡова 1952 йылдың 10 июнендә Белорет районының Инйәр ауылында тыуған. Ул – бөтә ғүмерен туған халҡына, рухи ҡиммәттәрҙе һаҡлауға һәм үҫтереүгә арнаған шәхесебеҙ.

Гүзәл Рамаҙан ҡыҙы Башҡорт АССР-ы Юғары Советының халыҡ депутаты, Башҡортостан Республикаһының 1-3-сө саҡырылыш Дәүләт Йыйылышы — Ҡоролтай депутаты, Башҡортостан Республикаһының 1-се саҡырылыш Йәмәғәт Палатаһы ағзаһы, Башҡортостан Республикаһы Башҡорт ҡатын-ҡыҙҙары йәмғиәте рәйесе була.

Гүзәл Ситдиҡова йәмәғәт эштәре менән бер ыңғайҙан ижадҡа ла ваҡыт таба. Ул – 12 китап авторы, Һәҙиә Дәүләтшина исемендәге дәүләт премияһы лауреаты. Шулай уҡ беҙ уны Башҡорт Википедияһының әүҙем мөхәррире булараҡ та беләбеҙ һәм хөрмәт итәбеҙ.

Гүзәл Ситдиҡова – “Башҡортостан” гәзитенең дә тоғро дуҫы һәм әүҙем авторы. Юбилярҙы ғүмер байрамы менән тәбрикләп, ғаилә именлеге, ныҡлы һаулыҡ, күңел тыныслығы, бәрәкәтле ғүмер теләйбеҙ!

Фото: Г. Ситдиҡованың шәхси архивынан.

Автор:Гөлдәр Яҡшығолова
Читайте нас в