Өфө кремле ниндәй булған?

Өфө кремле – хәҙерге  Волга буйы федераль округы биләмәһендә урта быуатта төҙөлгән 14 ҡәлғәнең берәүһе. Ул 440 метр оҙонлоҡтағы ҙур стеналы ағас кремль була, төньяҡ һәм көньяҡтан  имән башнялар, воевода йорто, приказ өйө, Смоленск соборы, келәттәр урынлаша. Кремль 1574 йылда уҡсылар тарафынан ҡәлғә  итеп төҙөлә, тап ошо йыл Өфө ҡалаһына нигеҙ һалынған дата  тип иҫәпләнә. Төҙөлөшкә воевода Иван Нагой етәкселек итә.

 Беҙҙең көндәргә тиклем Өфө кремле һаҡланып ҡалмаған, ул урында  әлеге ваҡытта Дуҫлыҡ монументы урынлашҡан.

Фото: posredi.ru