233 пассажирҙы ҡотҡарған летчик хаҡында кино төшөрөлә

Иҫләйһегеҙме, 2019 йылдың 15 авгусында һәләкәткә осраған самолет Мәскәү өлкәһендә кукуруз баҫыуына имен-аман төшөп ултырғайны? Уның командиры Екатеринбургтан Дамир Йосопов ине.

"Ҡояшта, кукуруз рәттәре буйлап" тип аталған фильм ошо данлыҡлы ваҡиғаға арнала. Пилот үҙе консультант булған, сценарийҙы уҡып сыҡҡан, төп ролде башҡарасаҡ актер Егор Бероев менән танышҡан. Киноның режиссеры – Сарик Андресаян.

...Мәскәүҙән Симферополгә осҡан "Урал авиалиниялары"ның А321 самолеты Жуковский ҡалаһы янында аҡсарлаҡтар тубы менән бәрелешкәндән һуң, уның ике двигателе лә сафтан сыға.

Дамир Йосопов етәкселегендәге экипаж һауа судноһын кукуруз баҫыуына имен-аман ултырта ала. Борттағы 233 кеше лә иҫән ҡалды. 74-е төрлө йәрәхәттәр алды.

Әйткәндәй, Дамир Йосопов менән Егор Бероев төҫкә бер-береһенә бик ныҡ оҡшаған да. Пилот, моғайын, төп ролгә кандидат менән риза ҡалғандыр.

Фото: vk.com/im?sel=166873706&w=wall-127945970_31410%2F52847365c64d5d1226