“Бөрө халҡына был поликлиника бик кәрәк”

Башҡортостан Башлығы Радий Хәбиров социаль селтәрҙәге сәхифәһендә Бөрөлге яңы поликлиникаға ҡағылышлы яҙма ҡалдырҙы.

“Бөгөн миңә датаны 1 сентябрь тип ярайһы уҡ ҡәтғи билдәләргә тура килде. Бөрөләге ошо шәп, заманса поликлиниканы тап 1 сентябрҙә асыуға иҫәп тотам.

Бында барыһы ла әҙер, әммә ҡорамалдарҙың оҙаҡ килеүе һәм лицензия алыуҙың оҙаҡҡа һуҙылыуына бәйле поликлиника әлегә пациенттарҙы ҡабул итмәй. Сәбәптәр объектив, әммә хәлде яйға һалырға кәрәк.

Ә поликлиника бик һәйбәт, уны тиҙ арала сифатлы итеп төҙөнөләр. Бында өлкәндәр, балалар бүлексәләре бар. Улар сменаһына 200-гә тиклем баланы һәм  400-гә яҡын өлкән кешене ҡабул итәсәк. Бөрө районы халҡына был поликлиника бик кәрәк”, – тип яҙҙы Радий Хәбиров.

Фото: vk.com/wall413272232_840329

Сығанаҡ: vk.com/wall413272232_840329