Илһөйәрлек рухы нығый

Өфө ҡалаһының Еңеү паркында Муса Гәрәев исемендәге Өфө башланғыс осошҡа әҙерлек дөйөм белем биреү мәктәп-интернаты (Өфө кадет корпусы) тәрбиәләнеүселәренә аттес­тат тапшырылды. Улар – белем усағының 22-се сығарылыш уҡыусылары.

Халыҡ күпләп йөрөгән Еңеү паркы хәрбиҙәр менән тулған, шул уҡ ваҡытта ябай кейемдәге кешеләр ҙә күренә. Улар –  курсанттарҙың ата-әсәһе һәм яҡындары. “Прощание славянки” маршы алыҫтарҙан ишетелә, флагтар елберҙәй. Тантаналы митинг Рәсәй һәм Башҡортостан гимндары менән асылды.

Өфө ҡалаһының Орджоникидзе районы хакимиәте баш­лығы урынбаҫары Эмиль Фәх­риев кадет корпусында уҡыған һәр үҫмер менән ғорурланыуын билдәләне, маҡсаттарының тормошҡа ашыуын һәм уңыштар теләне.

– Өфө кадет корпусын Баш­ҡорт­останда ғына түгел, тотош Рәсәйҙә лә яҡшы беләләр, – тине Эмиль Фларис улы. – Ысынлап та, һеҙ данлы уҡыу йортонда белем эстәүегеҙ менән бәхетле. Ғөмүмән, бәхет һәр саҡ оҙатып барһын, ил һаҡсыһы тигән исемде лайыҡлы йөрөтөгөҙ!

Өфө башланғыс осошҡа әҙерлек дөйөм белем биреү мәктәп-интернаты директоры Фәнил Солтанғолов айырыуса ошо 22-се сығарылыш уҡыусы­ларының таһыллығын, ҡыйыу­лығын һәм сыҙамлылығын телгә алды. Яланда ниндәй генә ҡатмарлы “ҡаршылыҡлы һыҙат­тар”ҙы үтергә ҡушылмаһын, барыһы ла уларҙы уңышлы артылған, берәү ҙә ҡыйынлыҡтар алдында ҡаушап ҡалмаған.

Подполковник Фәнил Солтан­ғолов белдереүенсә, Өфө кадет корпусында уҡыу күптәргә тәте­мәй. Тормошта төрлө хәлдәр осрай, иң мөһиме, ғәҙел булығыҙ, ил алдындағы бурысты намыҫ менән үтәгеҙ, тине ул. 
Ата-әсәләр исеменән Айгөл Насретдинова тәбрикләү һүҙе менән сығыш яһаны.

– Оҙаҡ көтөп алынған, шул уҡ ваҡытта моңһоу мәл яҡын­лашты, – тине Айгөл Фәнис ҡыҙы. – Иртәгәнән башлап бөтәгеҙ ҙә үҙаллы тормошҡа аяҡ баҫа­һығыҙ. Йоҡоһоҙ төндәр, көн дә ҡабатланған физик күнегеүҙәр – барыһы ла артта ҡалды. Һәр берегеҙҙең туған белем усағы етәкселегенең йөҙөн ҡыҙартмая­сағына, кадет исеменә тап төшөр­мәйәсәгенә ныҡлы ышанам. Хәйер, элекке кадеттар булмай.

Өфө кадет корпусында белем алған уҡыу алдынғыһы Родион Чекалов белем биреү учреж­дениеһының барлыҡ офицер­ҙарына һәм педагогтарына рәхмәтен еткерҙе.
– Һеҙҙең ышанысты һәр ваҡыт аҡларға тырышасаҡбыҙ, шул уҡ ваҡытта Ватан алдын­дағы бурысты үтәргә лә һәр саҡ әҙербеҙ, – тине Родион. – Әл­биттә, яҙмышымды армия менән бәйләйәсәкмен. Сергей Штеменко исемендәге Краснодар юғары хәрби учи­лищеһына уҡырға инергә теләйем.

Родион Чекалов:
– Һеҙҙең ышанысты һәр ваҡыт аҡларға тырыша­саҡ­быҙ, шул уҡ ваҡытта Ватан алдындағы бурыс­ты үтәргә лә һәр саҡ әҙербеҙ. Әлбиттә, яҙмы­шым­ды армия менән бәйлә­йәсәкмен. Сергей Ште­менко исемендәге Краснодар юғары хәрби училищеһына уҡырға инергә теләйем.