“Бисмилләһ” тип ҡапҡан ризыҡтан...

“Башҡортостан” гәзитенең авторы, социаль селтәрҙәге төркөмдәшебеҙ, Әбйәлил еренең талантлы ҡыҙҙарының береһе Нәсимә ҒАЙСИНАның аш-һыу тураһындағы фәһемле фекерҙәрен тәҡдим итәбеҙ.

* Ҡунағыңды аш-һыуың менән дә, күркәм холҡоң менән дә һыйла.

* Әҙәпһеҙ күпме ашаһа ла туйҙым тимәҫ, әҙәпле аҙына ла туйыр.

* Хужабикәнең уңғаны аш-һыуын ҡулы менән дә, теле менән татлы итер.

* "Бисмилләһ" тип ҡапҡан ризығыңдан тамағың да туйыр, йөҙөң дә нурланыр.

* Самаһыҙ ашаһаң – сирләрһең, сама белһәң – сихәт алырһың.

* Ашап-эсеүҙән генә күңел туҡ булмай.

* Хөрмәт итеп һыйлағандың ризығын кәмләгәндең йөҙө йәмһеҙләнер.

* Аш янында алама хәбәр һөйләмә, тәме китер.

* Аш-һыуҙың тәмен сифаты баһалар.

* Ас ҡорһаҡ аш һорар, ни ашатһаң – шул ярар.

Сығанаҡ: vk.com/id216861939

Фото: bash.muzkult.ru