Индира һәм Рөстәм Нәбиевтәр Казбекты яуланы!

Танылған блогер Рөстәм Нәбиев ҡатыны Индира менән оҙайлы походта, улар Грузиялағы Казбек тауы түбәһен яуланы. Бейеклеге – 5 034 метр. 

Рөстәм социаль селтәрҙәге дуҫтарын яңылыҡтары менән таныштырып бара. “Беҙҙең барыһы ла яҡшы. Казбек – беҙҙең иҫәптә! Икебеҙ ҙә уның түбәһенә менеп еттек, мин донъяла яңы рекорд ҡуйҙым. Беҙгә ышанған һәр кемгә рәхмәт!” - тип яҙҙы ул "Телеграм" каналында.

Индираның быға тиклем ундай бейеклеккә күтәрелгәне булмаған. Рөстәм уны Эвересты яуларға әҙерләүе хаҡында ла белдергән.

Фотолар Рөстәм Нәбиевтең шәхси архивынан.