Бик үҙенсәлекле ярыштар бара

Башҡортостанда Волга буйы федераль округының мунса оҫталығы буйынса ябыҡ һайлау чемпионаты бара. Башҡортостан, Һамар һәм Киров өлкәләре ярыштарында финалға сыҡҡандар ҡатнаша.

Ярыштар сиктәрендә һәр ҡатнашыусыға 40 минут ваҡыт бирелә. Ә сараның төп судьяһы - Өфөләге “Ҡыйыҡтағы мунса” мунсалар комплексы идарасыһы Кристина Бугрова. Ул – мунса оҫталығы буйынса ил ярыштарында бер нисә тапҡыр призлы урын яулаған.

Һөҙөмтәлә еңеүсе 13-14 августа Суздаль ҡалаһында үткәреләсәк “Мунсалы Русь” Бөтә Рәсәй чемпионатында ҡатнашасаҡ. Шулай уҡ мунса эшҡыуарлығы буйынса көнүҙәк мәсьәләләр ҙә ҡарала.

Бынан тыш, майҙансыҡтарҙа төрлө оҫталыҡ дәрестәре үткәрелә, арт-объекттар барлыҡҡа килде, милли аҙыҡ-түлек һәм мунса тауарҙары йәрминкәһе ойошторолдо.

Иртәгә Рәсәйҙең спа-мунса буйынса төбәк һайлау чемпионаты үткәрелә.

Фото: vatandash.rи