“iВолга-2022” эшен дауам итә

Иллегә яҡын йәш кеше, шулай уҡ уларҙы оҙатып йөрөүселәр Волга буйы федераль округы йәштәр форумының "Инклюзив ҡаласығы"ның ҡатнашыусыһы булды. Сара бөгөн Мастрюковская Полянала үтә. Ике йыл пандемия сәбәпле ябылып торғандан һуң, форум офлайн форматҡа әйләнеп ҡайтты.

Һамар өлкәһендә “iВолга-2022” 2013 йылдан алып Волга буйы федераль округында Рәсәй Федерацияһы Президентының тулы хоҡуҡлы вәкиле ҡарамағында үткәрелә, ә 2015 йылдан Инклюзив ресурс үҙәге менән берлектә Инклюзив ҡала эше ойошторола башланы. Ошо ваҡыт эсендә унда һаулыҡ мөмкинлектәре сикләнгән 600-ҙән ашыу кеше ҡатнашты. Форум директоры Кристина Гнатюк билдәләүенсә, улар өсөн уңайлы мөхиткә айырым иғтибар бүленә.

"Ошо маҡсатта 2014 йылдан “iВолга-2022” Йәштәр форумы "Инклюзив ҡала" уҡыу зонаһын тормошҡа ашыра — был Бөтә Рәсәй форумы кампанияһы сиктәрендә тиң мөмкинлектәр өсөн иң ҙур майҙансыҡ, ул һаулыҡ мөмкинлектәре сикләнгән форум ҡатнашыусыларының эшләү, үҫеш, ял итеү өсөн уңайлылыҡ кимәлен тәьмин итә. Йыл һайын күреү, ишетеү һәләте, терәк-хәрәкәт аппараты боҙолған 30-ҙан алып 60-ҡа тиклем йәш кеше ҡатнаша. Тап беҙҙең форумда һаулыҡ мөмкинлектәре сикләнгән балалар өсөн ошондай шарттар булдырылыуы менән ғорурланабыҙ һәм йыл да ҡатнашыусыларыбыҙ өсөн уңайлыраҡ булһын өсөн барыһын да эшләргә тырышабыҙ", — тип билдәләне Кристина Хнатюк.

"Беҙ “iВолга-2022” йыйынын түҙемһеҙлек менән көтә инек, ҡыуаныслы, йәнле аралашыуҙы бик һағындыҡ. Иң ҡыҙыҡлы ярыш ул. “iВолга-2022” — киң майҙанлы форум. Инклюзив ҡала палаткаһына оҫталыҡ дәрестәре һәм саралар үткәреү өсөн 100-ҙән ашыу кеше килгән дә инде. Бөтәһен дә беҙгә ҡушылырға саҡырабыҙ", — ти Инклюзив ҡала йүнәлеше етәксеһе Наталья Родина.

Асыҡ киңлек сиктәрендә "Сикһеҙ донъя" платформаһы урынлашҡан, унда сығыш яһаусыларҙың күпселеге - төрлө дәрәжәлә инвалидлыҡ буйынса эксперттар. Лекциялар һәм оҫталыҡ дәрестәрен көн һайын үткәрәләр. Уларға теләгән һәр кем килә ала.

Быйыл форумда ҡатнашыусылар туғыҙ профилле сменаны үҙ эсенә алған белем биреү программаһын үтәсәк: “Минең халҡым”, “Киләсәк менән идара ит”, “Эш менән бул”, “Изгелек миссияһы”, “Йәшәү урыны”, “Ижади процесс”, “Практика”, “Балалар iВолгаһы” һәм “Дәүләт йәштәр сәйәсәте” лабораторияһы. Эш программаһына “Мәғариф сифаты: киләсәккә ҡараш” темаһына "түңәрәк өҫтәл" һәм ҡыҙыҡлы бәхәстәр ингән.

“Балалар iВолгаһы” йүнәлешендәге форматта 16-17 йәшлек әүҙемселәр ҡатнаша. Йәштәр йыйынына 50-65 йәшлек “көмөш” ирекмәндәр ҙә саҡырылған. Һаулыҡ мөмкинлектәре сикләнгән йәштәр өсөн майҙанда инклюзив ҡаласыҡ булдырылған.

Форумдың быйылғы яңылығы – “Рәсәй халыҡтары берҙәмлеге”. Реставратор-реконструкторҙар фестивале, округтың этнокүргәҙмәһе (этнопавильон), халыҡ мәҙәниәте фестивале кеүек тематик саралар шуға бәйле әҙерләнгән. Сара барышында егеттәр һәм ҡыҙҙар округ, Бөтә Рәсәй гранттары өсөн көрәшәсәк.

“iВолга-2022” 28 июлгә тиклем дауам итә. Форум ахырында һәр смена эшенә йомғаҡ яһалып, еңеүселәргә бүләктәр тапшырыласаҡ.

Фотолар: “iВолга-2022” фестиваленең матбуғат хеҙмәте.