Башҡортостан
+28 °С
Болотло
VKOKРУС
Бөтә яңылыҡтар
Йәмғиәт
5 Август , 12:54

Август – йомарт ай

Нәсих Хәлисов фотоһы.
Фото:Нәсих Хәлисов фотоһы.

Йәйҙең һуңғы айына ла аяҡ баҫтыҡ. Көндәр йылы, ҡайһы берҙә хатта эҫе торһа ла, тирә-йүндә көҙ һулышы һиҙелә. Бигерәк тә кистәрен һәм иртәнге сәғәттәрҙә еләҫ, һалҡынса һауа көҙҙөң тәүге сәләмдәрен илтә кеүек. Халҡыбыҙ августы “урағай” тип атай. Шулай уҡ “Август тыуҙы – ауыҙ туңды” тигән әйтем дә билдәле. Мул уңышы менән һөйөндөргән йомарт айға ҡағылышлы һынамыштар тәҡдим итәбеҙ.

* Август ямғырһыҙ килһә, көҙ йылы һәм ҡоро булыр.

* Августа бер нисә тапҡыр йәшен булһа, көҙ оҙаҡ булыр.

* Август башында ҡайында һары япраҡ күренһә, көҙ иртә килер.

* Йылы, ямғырлы август – бәшмәк мул булыр.

* Йәшен күп булһа, баланды ҡырау алыр.

* Һауала һаҙағай уйнаһа, иген уңыр.

* 7 августа иртән һалҡын булһа, ҡыш иртә килер, оҙон булыр.

* Ашлыҡ урғанда һалам шыртлап һынһа, ямғыр булыр.

* 16 августа һалҡын ел иҫһә – һыуыҡ ҡышҡа, йылы ел иҫһә – йомшаҡ, ҡарлы ҡышҡа.

* 19 август ҡоро булһа, көҙ ҡоро булыр, дымлы булһа – ямғырлы көҙгә, аяҙ булһа – ҡырыҫ ҡышҡа.

* Сөмбөләлә арыш сәс, тамағың булмаҫ ас (сөмбөлә тип 22 августан 22 сентябргә тиклемге осор аталған).

* 31 августа әрем тамырын ҡарағыҙ, әгәр йәш тармаҡтары ҡалын булһа, киләһе йылда уңыш мул булыр.

- Кәримә УСМАНОВА

Читайте нас в