Ҡоро һандар ғына түгел

2022 йылдың тәүге яртыһында Башҡортостан Республикаһы Хөкүмәтенә граждандарҙан һәм ойошмаларҙан килгән мөрәжәғәт­тәрҙе ҡарау тураһында мәғлүмәт

1. Башҡортостан Республикаһы Хөкүмәтендә граждандарҙың һәм ойошмаларҙың мөрәжәғәттәре менән эште ойоштороу

Башҡортостан Республикаһы Хөкүмәте Аппаратында граждан­дар­ҙың һәм ойошмаларҙың мөрә­жә­ғәт­тәре (артабан – граждан­дарҙың мөрәжәғәттәре) менән эш “Рәсәй Федерацияһы гражданда­рының мө­рәжәғәттәрен ҡарау тәртибе тура­һында”ғы Федераль законға, “Баш­ҡор­тостан Республи­ка­һында граж­дандарҙың мөрәжәғәт­тәре тураһын­да”ғы Башҡортостан Республикаһы Законына, Баш­ҡортостан Республи­каһы Хөкүмәте Регламентына, Баш­ҡортостан Республикаһы Хөкүмәте Аппаратында Эш башҡарыу инструк­ция­һына ярашлы тормошҡа ашырыла.

Мөрәжәғәттәр менән эшләү йәһәтенән граждандар өсөн кәрәкле мәғлүмәт Башҡортостан Республи­ка­һы Хөкүмәтенең (артабан – Хөкүмәт) интернет селтәрендәге рәсми порталында (http:/www.pravitelstvorb.ru) урынлаштырылған. Граждандар килгән мөрәжәғәттәргә анализ, бәйләнеш өсөн реквизиттар, шулай уҡ интернет аша Хөкүмәткә мөрәжәғәт итеү формаһы менән таныша ала.

1. Граждандарҙың мөрәжәғәт­тәре статистикаһы

Отчет осоронда Хөкүмәткә 5095 мөрәжәғәт килгән, шуларҙан күтәрел­гән мәсьәләләрҙе компетенция буйынса хәл итеү өсөн:

Башҡортостан Республикаһы Башлығы Хакимиәтенән – 817;

Рәсәй Федерацияһы Президенты Хакимиәтенән – 2170;

Рәсәй Федерацияһы Федераль Йы­йылышының Дәүләт Думаһынан – 33;

Рәсәй Федерацияһы Хөкүмәте Аппаратынан – 198;

граждандар һәм ойошмалар тарафынан 2607 мөрәжәғәт ебәрелгән.

Бынан тыш, дәүләт власы органдарынан граждандарҙың һәм ойош­маларҙың мөрәжәғәттәре буйынса 195 һорау килгән.

1. Мөрәжәғәттәрҙең төп темалары

2022 йылдың тәүге яртыһында 5095 мөрәжәғәттә авторҙар 5575 мәсьәләне күтәрә, шуларҙың          1569-ы­ (28,1%) – социаль өлкәгә; 1108-һе (19,9%) – торлаҡ-коммуналь өлкәгә; 1443-ө (29,9%) – иҡтисад өлкәһенә; 1089-ы (19,5%) – дәүләт, йәмғиәт һәм сәйәсәт өлкәһенә;              366-һы (6,6%) оборона, хәүефһеҙлек һәм законлылыҡ өлкәһенә ҡарай.

Башҡортостан Республикаһы халҡын, нигеҙҙә, түбәндәге мәсьә­ләләр борсой:

балалы граждандарға пособие түләү йәки ошондай түләүҙәр буйынса ғаризаларҙың оҙаҡ ҡаралыуы;

урамдарға асфальт түшәү, ауыл биләмәләрендә юлды ремонтлау һәм асфальт түшәү, ҡыш юлды ҡарҙан тейешенсә таҙартмау;

торлаҡ шарттарын яҡшыртыу, граждандарҙы торлаҡ менән тәьмин итеү, авария хәлендәге һәм иҫке торлаҡтан күсереү, етемдәрҙе торлаҡ менән тәьмин итеү, төҙөлөштә өлөш­ләтә ҡатнашыу, ошо өлкәгә дәүләт контроле һәм күҙәтеүе;

халыҡҡа транспорт хеҙмәте күр­һәтеү;

ергә дәүләт күҙәтеүе, ер бәхәс­тәрен һәм мәсьәләләрен ҡарау;

дауалау һәм медицина ярҙамы күрһәтеү, дарыуҙар менән тәьмин итеү;

ҡалаларҙы һәм ҡасабаларҙы тө­ҙөк­ләндереү, йорт яны билә­мәләрен йәшелләндереү, балалар майҙан­сы­ғын эшләү йәки һүтелгәнен тер­геҙеү, күп фатирлы йорттарға капиталь ремонт, коммуналь хеҙмәткә (шул иҫәптән дөйөм йорт ихтыяждарына) билдәләнгән хаҡ менән ки­лешмәү, дөйөм мөлкәтте тәртиптә тотмау, коммуналь хеҙмәттәрҙең насар сифаты.

Мөрәжәғәттәрҙең территориаль структураһы күрһәтеүенсә, мөрә­жәғәттең күбеһе Өфө (1774 мөрә­жәғәт), Стәрлетамаҡ (254), Октябрьский (184), Салауат (130), Нефтекама (97), Сибай (43) ҡалаларынан, шулай уҡ Өфө (162), Туймазы (114), Белорет (100), Мәләүез (89), Ишембай (79), Учалы (168), Иглин (63), Шишмә (46), Стәрлетамаҡ (45), Благовещен (43) һәм Учалы (42) райондарынан килгән.

Лилиә ДӘҮЛӘТБӘКОВА