"Патриот" премияһында ҡатнашығыҙ

Петербургта декабрҙә Бөтә Рәсәй патриотик форумы барышында “Патриот – 2022” милли премияһы лауреаттарын бүләкләү тантанаһы буласаҡ.

Премияла илебеҙҙең бәлиғ булған граждандары һәм юридик берәмектәр, шулай уҡ башҡа илдәрҙә йәшәгән йәки эшләгән рәсәйҙәр ҡатнаша ала.

Дәғүәселәр өсөн төп шарт – ватандаштарын гражданлыҡ-патриотик тәрбиәләүгә йүнәлтелгән уңышлы социаль мөһим проекттарҙың һәм башланғыстарҙың булыуы.

Заявкалар премияпатриот.рф сайтында 30 сентябргә тиклем ҡабул ителә.

Премияны ойоштороусы – Йәштәр эштәре буйынса федераль агентлыҡ, операторы – “Рәсәй балаларҙы һәм йәштәрҙе гражданлыҡ һәм патриотик тәрбиәләү үҙәге”.

Проект “Мәғариф” милли проектының “Рәсәй Федерацияһы граждандарын патриотик тәрбиәләү” федераль проектын ғәмәлгә ашырыу барышында бойомға ашырыла.