Барыһы ла яҡшы булыр!

Ҡырмыҫҡалы районы хакимиәте башлығы Әлфир Сабиров социаль селтәрҙәге сәхифәһендә түбәндәгеләр хаҡында яҙҙы.

“Өс көн элек егеттәребеҙҙе Ҡазандағы хәрби өйрәтеү урынына оҙаттыҡ. Әммә шулай килеп сыҡҡан: ҡайһы берәүҙәргә туғандары нимәнелер биреп өлгөрмәгән йәки тағы нимәгәлер ихтыяж яңы ғына асыҡланған. Ике район – Ҡырмыҫҡалы менән Архангелдән – мобилизацияланғандарҙың әйберҙәрен, шулай уҡ битараф ҡалмағандарҙан, шәхси эшҡыуарҙарҙан йыйылған йылы кейем, беренсе кәрәк-яраҡтар бер машинаға тупланды. Әлбиттә, беҙ ҙә ситтә ҡалманыҡ һәм барлыҡ әйберҙәрҙе егеттәребеҙ ваҡытлыса урынлашҡан урынға алып барҙыҡ. Улар өсөн янып көйөүҙе дауам итәбеҙ, барыһы ла яҡшы булыр, тип ышанабыҙ”.

Фотолар: Ҡырмыҫҡалы районы хакимиәте башлығы Әлфир Сабировтың социаль селтәрҙәге сәхифәһенән.