Шайморатов һәйкәле экскурсия маршрутына индерелде

Шайморатов һәйкәле Өфөләге экскурсия маршрутына индерелгән. Ошо хаҡта республика Башлығы Радий Хәбиров социаль селтәрҙәрҙә белдерҙе.

"Беҙҙең Өфөләге яңы иҫтәлекле урын – Шайморатов генералға һәм Ватан өсөн һәләк булған барлыҡ яугирҙәргә ҡуйылған мемориаль комплекс “Terra Bashkiria” экскурсия маршрутына индерелде. 

Билдәле булыуынса, ике ҡатлы уңайлы автобуста Өфөнөң тарихи үҙәге буйынса ике сәғәт экскурсияла йөрөргә мөмкин. Был эш былтырҙан алып барыла. Ошо ваҡыт эсендә республиканан, бүтән төбәктәрҙән, сит илдәрҙән килгән 20 мең самаһы турист хеҙмәтләндерелде. Экскурсия даблдекеры беҙгә икенсе илдәрҙән килгән рәсми делегацияларҙа ла ҙур ихтыяж менән файҙаланыла.

1 сентябрҙән автобус көҙгө-ҡышҡы график буйынса йөрөй – шишәмбе, кесаҙна, шәмбе көндәрендә 10.00, 13.00 һәм 18.00 сәғәттәрҙә.   

Кәрәкле һылтанманы ҡалдырам: https://www.bus102.com", – тип яҙған республика етәксеһе.

Фото һәм мәғлүмәт сығанағы: Башҡортостан Башлығының сәхифәһе.