Фирүзә Париждан йырлы сәләм!

Алдан хәбәр итеүебеҙсә, Испанияла йәшәгән башҡорт ҡатын-ҡыҙҙарының мобилизацияланған һалдаттарға аҡса, кәрәк-яраҡ йыйыуҙы ла ойоштороуы хаҡында яҙып сыҡҡайныҡ инде. Был юлы әлегә ваҡытта Испанияла йәшәгән моңло йырсыбыҙ Фирүзә Париж үҙенең күңел түренән сыҡҡан йырын Башҡортостандан мобилизацияланған яҡташ һалдаттар өсөн башҡара.

"Сит илдә йәшәһәк тә, беҙ күңелдәребеҙ, уйҙарыбыҙ менән һеҙҙең менән! Тиҙерәк тыуған ерегеҙгә, ата-әсәйегеҙ, кәләштәрегеҙ һәм балаларығыҙ янына тиҙерәк әйләнеп ҡайтығыҙ, имен-һау ғына булығыҙ!" -тиҙәр Испанияла йәшәгән башҡорттарыбыҙ.

Фото: Л. Иҫәндәүләтова.