Ҡырғыҙстандан белгестәр килә

Ҡырғыҙстандың Ош ҡалаһында беренсе тапҡыр ЮНЕСКО кластер бюроһы ярҙамында Урта Азия буйынса "3GEO" халыҡ-ара форумы үтте.

Был сарала халыҡ-ара танылыу алған, ЮНЕСКО глобаль геопаркы статусы булған Рәсәйҙәге тәүге геопарк – Салауат районы биләмәһендә урынлашҡан “Янғантау” ҙа  ҡатнашты. Форумда тотороҡло туризм, белем биреү, фән, экология үҫеше өсөн урындағы халыҡтың геология мираҫының потенциалы тикшерелде.

Форум һөҙөмтәләре буйынса бер нисә килешеү төҙөлдө – Тянь-Шань геология йәмғиәте һәм Ҡырғыҙстандың милли комиссияһы менән Башҡортостанға стажировкаға Ҡырғыҙстандан белгестәр йүнәлтеү тураһында килешеүгә өлгәшелде.

Фото: "Башинформ".