Инвалидтар өсөн Туризм үҙәге төҙөләсәк

Хәбәр итеүебеҙсә, әле республикабыҙҙа "Ҡаршылыҡтарҙы емереп" тип аталған форум-күргәҙмә бара.

"Бөгөн беҙ, ысынлап та, “Ҡаршылыҡтарҙы емереп” I Бөтә Рәсәй асыҡ форум-күргәҙмәһендә “ҡаршылыҡтарҙы емерәбеҙ”, – тип яҙған социаль селтәрҙәрҙә Башҡортостан Хөкүмәте Премьер-министры Андрей Назаров. – Бында предприятиелар, ойошмалар, власть органдары бергә ҡайнай, айырым кешеләргә ярҙам күрһәтә. Был өлкәлә хәл-торошто үҙгәртер өсөн, форумды АСИ менән бергә ойошторҙоҡ. Уларҙың күбеһенең тәҡдимдәрен социаль һәм иҡтисади йүнәлештә тормошҡа ашырасаҡбыҙ. Мәҫәлән, беҙҙәге биш предприятие, “Барыһы өсөн дә асыҡ” проекты сиктәрендә, үҙҙәренә социаль йөкләмәләр ала".

Андрей Назаров билдәләүенсә, Башҡортостанда инвалидтар өсөн Туризм үҙәге төҙөләсәк.

Фото: А. Назаровтың “Бәйләнештә”ге сәхифәһе.