Йәрминкә аҡсаһын - һалдаттарға ярҙамға

Ишембай районының Сәлих мәктәбе коллективы көҙгө йәрминкә ойоштороп, унан килгән аҡсаны мобилизацияланған һалдаттарға аҙыҡ-түлек, башҡа кәрәк-яраҡ алыуға тотона.

Уҡыусылар, уҡытыусылар менән берлектәге был изге ниәткә ауылда йәшәгән башҡалар ҙа үҙ өлөшөн индергән, аҡсалата ярҙам күрһәткән. Балаларҙың ихлас күңелдән яҙған хаттары ла һалдаттарға рухи көс өҫтәр.  

Илгә ауырлыҡ килгәндә ошо рәүешле Сәлих ауылының йәш быуыны ситтә ҡалмай, ҡулдарынан килгәнсә ярҙам итә.

Фото Сәлих мәктәбе архивынан.