Бөрйән егеттәре ил һаҡларға юлланды

"Таң" гәзите хәбәр итеүенсә, бөгөн Бөрйән районынан 10 егет ил алдындағы изге бурысын үтәргә юлланған. Буласаҡ ил һаҡсыларын район хакимиәте башлығы Ғәзиз Манапов сәләмләп, яҡшы хеҙмәт итеүҙәрен, тыуған йорттарына имен-һау әйләнеп ҡайтыуҙарын теләгән.
Егеттәрҙе ата-әсәләре, туғандары, яҡындары, һөйгәндәре матур, изге теләктәр менән оҙатып ҡалған.

Беҙ ҙә Бөрйән егеттәренә яҡшы итеп хәрби бурыстарын үтәп, имен-һау тыуған яҡтарына әйләнеп ҡайтыуҙарын теләйбеҙ!

Көҙгө хәрби хеҙмәткә саҡырыу ваҡытында Башҡортостан Рәсәй Федерацияһының Ҡораллы Көстәре сафына дүрт меңдән ашыу кеше ебәрәсәк. Хеҙмәткә саҡырыу йыл тамамланғансы барасаҡ.

Фото: "Таң" гәзите.