Нисек коррупцияға ҡаршы торорға?

Бөгөн Өфөлә корупцияға ҡаршы  көрәш форумының икенсе этабы булып үтте.

Был сара – Волга буйы федераль округынындағы финанс-иҡтисади органдарҙың коррупцияға ҡаршы көрәшкә арналған форумының икенсе этабы,  ул коррупцияға ҡаршы көрәштең  Рәсәй Президенты Владимир Путин тарафынан раҫланған  2021 – 2024 йылдарға милли планында ҡаралған.

“Коррупцияға ҡаршы көрәш дәүләттең төп бурыстарының береһе булып тора”, – тине тәбрикләү һүҙендә Башҡортостан Башлығы Хакимиәте Етәксеһе Максим Забелин, ул форумда ҡатнашыусыларға Башҡортостан Башлығы Радий Хәбировтың уңышлы эш теләүен еткерҙе. Артабан Максим Забелин был форум тураһында социаль селтәрҙәге сәхифәләрендә яҙып сыҡты: “Волга буйы федераль округының финанс-иҡтисад органдарының коррупцияға ҡаршы Икенсе Бөтә Рәсәй форумында нисек коррупцияға ҡаршы сараларҙың йоғотололоғон күтәреүҙе, йәмғиәттә нисек итеп был кире күренеште ҡабул итмәү булдырыуҙы һәм йәштәрҙә хоҡуҡи фекерләү тәрбиәләүҙе тикшерҙек. Шуныһы мөһим: ул дәүләт власы һәм хоҡуҡ һаҡлау органдарының, йәмәғәт ойощмаларының һәм, тәбиғи, граждандарҙың үҙҙәренең дә бөтә йүнәлештәр буйынса күп планлы берлектәге эшмәкәрлеге булырға тейеш. Форумдағы конкурста ҡатнашыусылар коррупция күренештәрен булдырмау буйынса эштәрен күрһәтте. Хәҙерге йәштәрҙең әхлаҡи ҡиммәттәрҙе аңлауы һәм ҡабул итеүе һөйөндөрә”.

Корупцияға ҡаршы көрәштең Форумдың тәүге өлөшөндә коррупцияға ҡаршы көрәш буйынса плакаттар, буклеттар, видеоматериалдар конкурсының финалы үткәрелде. Был конкурстарҙың маҡсаты – коррупция күренештәренә ҡарата түҙеп торғоһоҙлоҡ, әүҙем тормош позицияһы, гражданлыҡ яуаплылығы тәрбиәләү. Конкурстың суперфиналы 2023 йылдың майында “Сириус” федераль биләмәһендә уҙғарыласаҡ.

Икенсе этапта коррупцияға ҡаршы көрәштең көнүҙәк мәсьәләләренә арналған “Коррупцияға ҡаршы тороу: яңы талаптар һәм үҫеш стратегияһы” тигән конференция үткәрелде.

Айрат Нурмөхәмәтов фотоһы.