Ташламалы торлаҡ алырға теләгәндәргә

Башҡортостанда махсус хәрби операцияла ҡатнашыусыларға бик күп ярҙам төрҙәре бар. Уларҙың һаны 30-ҙан ашып китә. Кисә иһә уға яңы төрө өҫтәлде. Радий Хәбиров мобилизацияланғандарға һәм уларҙың ғаилә ағзаларына 20 мең һум күләмендә бер тапҡыр бирелә торған түләү тураһындағы Указға ҡул ҡуйҙы. Был һәм башҡа ярҙамды алыу тураһында кисә Башҡортостан юлдаш телеканалындағы махсус брифингта һөйләнеләр.

Мобилизацияланғандарға ярҙам сараларын ҡулланған йүнәлештәрҙең береһе – торлаҡ өлкәһе.

Хәрбиҙәрҙең ғаиләләре льготалы торлаҡ һатып алыу өсөн социаль программаларҙа ҡатнаша ала.

Был турала брифингта Башҡортостан Республикаһының Торлаҡ программаларын тормошҡа ашырыу буйынса идаралығы етәксеһе Александр Александрович Аверьянов һөйләне.

Фото: скриншот.