Өфөгә Ҡыш бабай килде!

Бөгөн Өфө балалары өсөн ҙур ваҡиға – баш ҡалаға Яңы йылдың төп ҡунаҡтары - Ҡыш бабай һәм Ҡарһылыу килде. Әйткәндәй, бындай кимәлдәге ҡунаҡтарҙың Башҡортостанға килеүе тәүгә. Тантаналы сарала Хөкүмәт Премьер-министры урынбаҫары Алан Марзаев та ҡатнашты.

“Бөгөн беҙҙең малай-ҡыҙҙарыбыҙ өсөн ҙур байрам! Ҡыш бабай беҙҙең йылмайыуҙан иреп китмәһен өсөн, уны ысын башҡорт ҡышы менән ҡаршы алдыҡ. Беҙҙә уға оҡшай, тимәк, башҡрот ҡышының йыл да төп ҡунағы буласаҡ”, - тип яҙҙы Алан Марзаев социаль селтәрҙәге сәхифәһендә. Алан Викторович шулай уҡ балаларға матур байрам ойошторғандары өсөн “Рәсәй тимер юлдары” акционерҙар йәмғиәтенең филиалы – Куйбышев тимер юлдары начальнигы Вячеслав Дмитриев һәм уның коллегаларына рәхмәт һүҙҙәрен еткерҙе.

Фото А.Марзаев сәхифәһенән алынды.