Почталар хәҙер тағы ла йәмлерәк!

Башҡортостан Хөкүмәте Премьер-министры урынбаҫары Ирек Сәғитов социаль селтәрҙә почта хеҙмәтенә бәйле пост ҡалдырҙы.

“Илебеҙ Президенты Владимир Путиндың ҡушыуы буйынса Башҡортостанда почта элемтәһе бүлексәләре селтәрен яңыртыу буйынса эш дауам итә. Ағымдағы йылда “Берҙәм Рәсәй” партияһы булышлығында 20 бүлексәлә эштәр башҡарылған. Уларҙа ремонт яһау ғына түгел, ә бәләкәй һәм алыҫта урынлашҡан биләмәләр өсөн кәрәкле яңы хеҙмәттәр ҙә барлыҡҡа килә. Шуныһы ла мөһим: күп кенә почта бүлексәләре мөмкинлектәре сикләнгән кешеләр өсөн уңайлыраҡ була бара: пандустар, киң ишектәр һәм хеҙмәткәрҙәрҙе саҡырыу төймәләре ҡуйыла.

Бөгөн “Рәсәй почтаһы” акционерҙар йәмғиәтенең Волга буйы макротөбәге директоры Александр Леонидович Вакуленко менән Благовещен районының Бедеева Полянаһы ауылындағы ошондай почта бүлексәһенә барҙыҡ. Бында дәүләт хеҙмәттәре алыу мөмкинлеге барлыҡҡа килде, теләгән һәр кем тән температураһын, ҡан баҫымын, кислород кимәлен үлсәй ала. Бының өсөн почта начальнигының медицина приборҙары бар.

Бинаның тышҡы яғы төҙөкләндерелгән, тәҙрәләр алмаштырылған, уның эсендә лә капиталь ремонт үткәрелгән. Килеүселәргә лә, почта хеҙмәткәрҙәренә лә уңайлы булып ҡалды. Хәүефһеҙлеккә ҙур иғтибар бүленә, шул иҫәптән янғын хәүефһеҙлеге лә. Яңыртыу программаһы артабан да дауам итәсәк, ул бер нисә йылға иҫәпләнгән”, – тип яҙҙы ул.

Фото: "Бәйләнештә".