Үҙебеҙҙең хеҙмәт династияларын беләһегеҙме?

Башҡортостандың Архив эштәре идаралығы һәм Милли архивы Рәсәйҙә Уҡытыусы һәм остаз йылына арналған “Шәжәрә” темаһына ғилми-тикшеренеү эштәренең VI асыҡ республика конкурсын иғлан итте. Ул “Яҡташтарым – билдәле педагогтар”, “Остаздар – үҙ эшенең оҫталары” һәм “Тыуған яғыбыҙҙың хеҙмәт династиялары” (видеоклип) номинациялары буйынса үткәрелә.

Ижади бәйгелә дөйөм белем биреү мәктәптәренең VIII - XI класс уҡыусыларын, урта махсус һәм юғары уҡыу йорттары студенттарын ҡатнашырға саҡыралар. Ғаризалар һәм ғилми-тикшеренеү эштәре киләһе йылдың 1 февраленә тиклем түбәндәге электрон почтаға ҡабул ителә: [email protected].

Конкурс тураһындағы положение һәм уны үткәреү хаҡындағы фарман менән түбәндәге һылтанмалар буйынса танышырға була: https://archive.bashkortostan.ru/documents/active/373197, https://archive.bashkortostan.ru/documents/active/442606/.

Фото: bashinform.ru

Сығанаҡ: narb-gku.bashkortostan.ru