Бөтә яңылыҡтар
Йәмғиәт
23 Декабрь 2022, 19:16

“Билмәндән башлағайныҡ...”

Автор фотоһы.
Фото:Автор фотоһы.

Бынан дүрт йыл элек эшҡыуар Валентина Игнатьева Ауырғазы районының Шланлы ауылында ит ярымфабрикаттары етештереү цехы асты.

– Эште билмәндән баш­лағайныҡ, ваҡыт үтеү менән һатып алыусылар һорауы бу­йынса аҙыҡ төрҙәрен арт­тырҙыҡ, – ти эшҡыуар. – Бө­гөн беҙҙә голубцы, манты, чебурек, кәтлит һәм фрикаделька етештерелә. Бөтә ри­зыҡ бер цехта бер үк аш-һыу оҫталары тарафынан әҙер­ләнә. Итте ауыл кеше­ләренән генә һатып алабыҙ, картуфы ла, йәшелсәһе лә үҙебеҙҙең тупраҡта үҫкән.

– Беҙҙең Шланлы ҡатын-ҡыҙҙары яһаған билмәндәр телеңде йоторлоҡ, үҙҙәре­нең эшен яратып, күңел­дә­рен һалып башҡарғанға кү­рәлер, моғайын. Бөтә район халҡы уларҙың ризыҡтарын маҡтай-маҡтай һатып ала. Стәрлетамаҡтар ҙа эш сифатынан ҡәнәғәт, – тип яҙа ҡулланыусылар социаль селтәрҙә.

Ярымфабрикаттарҙы мәк­тәптәр һәм балалар баҡ­салары ла ала. Эшҡыуарҙың пекарняһы ла бар, унда ик­мәк, булка, бәлеш, пицца бешерәләр.

- Людмила ЧЕРНОВА

Читайте нас: