Байрамда почта бүлексәләре нисек эшләй?

Яңы йыл байрамы осоронда Башҡортостандағы почта бүлексәләренең эш тәртибе үҙгәрә.

31 декабрҙә бөтә республика буйынса бүлексәләрҙең эш ваҡыты бер сәғәткә ҡыҫҡара. 1, 2 һәм 7 ғинуарҙа почта ял итә. Был көндәрҙә почтальондар корреспонденцияны һәм матбуғат баҫмаларын килтермәй. Пенсия һәм пособиелар иһә Рәсәй Пенсия фондының республика бүлексәһе менән килешелгән график буйынса таратыла.

3, 4, 5, 6, 8 һәм 9 ғинуарҙа почта бүлексәләре өсөн ғәҙәти эш көнө. Шул уҡ ваҡытта ҡайһы бер ауыл бүлексәләренең эш тәртибендә үҙгәрештәр булыуы ихтимал. “Рәсәй почтаһы”ның pochta.ru сайтында йәки уның мобиль ҡушымтаһында бүлексәләрҙең эш сәғәттәрен йәки яҡындағы асыҡ офисты асыҡларға мөмкин.