Радий Хәбиров Яңы йыл төнөндә Совет майҙанында һәм Terra Zima фестивалендә булды

Яңы йыл төнөндә Башҡортостан Башлығы Радий Хәбиров ғаиләһе менән Өфөлә Рәсәй Геройы, генерал-майор Миңлеғәле Шайморатовҡа һәйкәл ҡуйылған Совет майҙанында һәм Ватанды һаҡлаусылар иҫтәлегенә мемориаль комплекста булды.

Төбәк етәксеһе байрам төнөндә майҙандағы Өфө халҡы менән аралашты, бында ҡуйылған дөйөм туҡланыу нөктәләренең дизайнын ҡараны, шулай уҡ биләмәне артабан төҙөкләндереү мөмкинлектәрен тикшерҙе. Республика Башлығы Яңы йылда үҙ эшен намыҫлы башҡарған хоҡуҡ һаҡлау органдары, оператив һәм коммуналь хеҙмәттәр хеҙмәткәрҙәренә айырыуса рәхмәт белдерҙе.

Радий Хәбиров шулай уҡ Ҡунаҡһарай алдындағы майҙанда барған Terra Zima-2023 фестивалендә булды. Яңы йыл төнөндә өфөләр һәм баш ҡала ҡунаҡтары өсөн Башҡортостандың атҡаҙанған артисы Радик Юлъяҡшин, ZAINETDIN этно-поп төркөмө, VIA CHAPPA төркөмө, «Бишбармаҡ» оркестры, «Премьер» вокаль төркөмө һәм башҡа башҡарыусылар сығыш яһаны.

Сығанаҡ: glavarb.ru/rus/press_serv/novosti/160774.html