Февралдә 10 көн ял итәбеҙ

Быйыл февраль айында Ватанды һаҡлаусылар көнө уңайынан оҙайлы ялдар көтөлә. 28 көнлө был айҙа аҙнаһына биш көн эшләгән граждандарға 18 эш көнө тура килә, шуның берәүһе ҡыҫҡартылған эш көнө. Ә ҡалған 10-һы - ял һәм байрам көндәре.

23 февраль кесе йомаға тура килә, ә 24-енә ғинуарҙағы Яңы йыл байрамының бер ял көнө күсерелә. Шулай итеп, 23-өнән алып 26 февралгә тиклем ял көндәре буласаҡ.