Шаҡай нисек булыр?

Февраль (шаҡай) — йылдың икенсе, ҡыштың һуңғы айы. Тоҡос ай, 28 көндән тора, кәбисә йылында - 29 көн. Күптәр февралдә башҡа айҙар менән сағыштырғанда һыуыҡтар, бурандар күберәк була, тип фаразлай. Хатта һыуыҡ та февралдә: «Һыйыр мөгөҙөн һындырыр инем дә көнөм генә ҡыҫҡа», - тип әйтер, имеш. Һынамыштарға күҙ һалайыҡ.

1 февраль төнөндә йондоҙҙар күренһә – яҙ һуңға ҡалып килер.

Февраль – бүреләрҙең туй айы.

15 февралдә көн йылы булһа – яҙ матур килер.

Февралдә һыуыҡ: «Һыйыр мөгөҙөн һындырыр инем дә, көнөм генә ҡыҫҡа», - тип әйтер, имеш.

Февралдә ҡайын ботағында ҡар алҡа-алҡа булып аҫылынып торһа, ул йылда иген уңыр.

Февраль ҡыш мөгөҙөн һындыра.

Февраль — ҡарға, ә апрель һыуға бай.

Йылы февраль һыуыҡ яҙ килтерә.

Фото: party.ru