Ғәййәр егеттәр атты бына нисек өйрәтә!

Баймаҡ малайҙары ат ялына йәбешеп үҫә, тигәндәре хаҡтыр. Бына бит тағы ла ат йәнле, ҡурҡыу белмәҫ егеттәр ике йәшлек байталға йүгән һалырға тәүәккәлләп, уны өйрәтә. Улар - Баймаҡ районының Ғәҙелбай ауылынан ағалы-ҡустылы Илназ һәм Арсен Солтангәрәевтәр.

Алдан хәбәр итеүебеҙсә, "Ирәндек" башҡорт тоҡомло аттарҙы һаҡлау һәм үҫтереү буйынса хәйриә фонды 1,5-4 йәшлек атты өйрәтеү буйынса видеоконкурс иғлан итте. Ғәҙелбайҙың ғәййәр егеттәре лә ошо бәйгелә ҡатнаша.

Уңыштар һеҙгә, Солтангәрәевтәр! 

Фото: видеонан скриншот.