10 февраль — Дипломат хеҙмәткәрҙәре көнө

Башҡортостан Хөкүмәте Премьер-министры Андрей Назаров социаль селтәрҙәге сәхифәһендә  дипломат хеҙмәткәрҙәрен һөнәри байрамдары менән ҡотланы:

“Донъяла барған үҙгәрештәр заманында, Рәсәйҙең Көнбайыш илдәре яғынан төрлө яҡлап ҡыҫырыҡлау кисергәндә, дипломатияның роле тағы ла әһәмиәтлерәк, ә был өлкә белгестәренең эше ҡатмарлыраҡ була бара.

Дипломаттар ҡатнашлығынан тыш тыныслыҡ урынлаштырыу һәм ике яҡтың һөйләшеүен яйға һалыу, дәүләттең абруйын күтәреү һәм илдең халыҡ-ара аренала тотҡан урынын яҡлау мөмкин түгел. Милли мәнфәғәттәрҙе яҡлау, ил үҫеше өсөн уңайлы тышҡы шарттар булдырыу, сит илдә Рәсәйҙең дөрөҫ образын формалаштырыу — был мәсьәләләрҙе дипломатик хеҙмәт кешеләре хәл итә.

Беҙ уникаль илдә йәшәйбеҙ һәм бының менән ғорурланабыҙ. Тап дипломаттар һәр ваҡыт Рәсәйҙе бөйөк держава итеп танытыуҙа ҙур роль уйнаны. Рәсәй дипломатик мәктәбе Ватанға фиҙакәр хеҙмәт иткән профессионалдарҙың эшмәкәрлеге арҡаһында донъяла һәр ваҡыт иң абруйлы һәм йоғонтоло булды. Киләсәктә лә шулай булыр тип ышанам, сөнки илебеҙҙә йәш һәм талантлы дипломаттар бихисап.

Йәш дипломаттар советы ағзаларын Рәсәй Сит ил эштәре министрлығының мәҙәни үҙәгендә һөнәри байрамдары менән ихлас ҡотланым. Йәш хеҙмәткәрҙәрҙең эшмәкәрлеген күҙәтеп, илдең киләсәге - ышаныслы ҡулдарҙа, тип хаҡлы рәүештә әйтергә мөмкин.

Рәсәйҙең башҡа дәүләттәр менән мөнәсәбәтен нығытыуында республикабыҙ ҙур роль уйнай:

- Өфөлә РФ Сит ил эштәре министрлығының рәсми вәкиллеге асылған.

- Белоруссия Илселегенең бүлексәһе, Тажикстандың Генераль консуллығы, Төркиә, Ҡаҙағстан, Ҡырғыҙстан, Болгарияның Почетлы консулдары эшләй.

- Италияның «Sant Agostino» коммерцияға ҡарамаған төбәк ассоциацияһы әүҙем эшмәкәрлек алып бара, ул Башҡортостанға бизнес алып барыу өсөн күсеп килгән Италия эшҡыуарҙарының проекттарына ярҙам итә.

 -Төбәктә тыуып үҫкән дипломаттар Бөтә донъя буйлап Рәсәй вәкиллектәрендә хеҙмәт итә.

Барлыҡ дипломатик хеҙмәткәрҙәрҙе һөнәри байрамдары менән ҡотлайым! Аҡыл, ныҡышмалылыҡ, яҡындарығыҙҙың һеҙгә теләктәш булыуын теләйем. Һаулыҡ һәм именлек һеҙгә!”

Сығанаҡ: vk.com/agnazarov