Рөстәм Нәбиев шәп яңылығын уртаҡлашты

Рөстәм Нәбиев тағы бер шатлыҡ-ҡыуанысы менән уртаҡлаша. Ул шәп автомобиль һатып алған. Был хаҡта үҙенең социаль селтәрҙәге сәхифәһендә яҙған.

"Был - минең тормошомда һатып алған иң ҡиммәтле әйбер. Яңы машина алып, мин үҙ алдыма ҡуйған тағы ла бер маҡсатымды тормошҡа ашырҙым. "Порше", ғаиләбеҙгә рәхим ит!" - тип яҙған ул.

"2021 йылда мин тап ошо автосалонда әлеге машинаның руле артына ултырып ҡарап, был автомобиль ҡасандыр минеке буласаҡ, тип уйлаған инем. Хистәремде һөйләп аңлатырлыҡ түгел", - ти ҡыуанысынан Рөстәм Нәбиев.

Артабан да хыялдарың тормошҡа ашһын! Яңы автомобилдә ҡоштай осоп йөрөргә яҙһын!

Фото: Рөстәм Нәбиев.