Ҡотҡарыусы этебеҙ конкурстың икенсе этабына үтте

“Минең яғымлы һәм кәрәкле йәнлегем” халыҡ-ара премияһының жюри ағзалары дүртенсе миҙгел лауреаттарын билдәләне. Конкурсты ойоштороусылар мәғлүмәттәре буйынса, улар – Башҡортостандан бордер-колли Торин; хужаһын янғындан ҡотҡарған Һарытау бесәйе Пузик; яу яланында батырҙарса һәләк булған эт Сармат; үҙенсәлекле булыуы арҡаһында 50 йәнлеклек приютты тәьмин иткән Ростов өлкәһенән бесәй-блогер Федя; атыш ваҡытында Северодонецкиҙа йәшәгән ҡатынды ҡотҡарған эт Роза (ЛНР). Жюри ҡарары буйынса бер нисә дәғүәсе премияның почетлы дипломдары менән билдәләнәсәк.

Башҡортостандың Ғәҙәттән тыш хәлдәр буйынса дәүләт комитетында аңлатыуҙарынса, ҡотҡарыусы эт Торин 20 мартҡа тиклем дауам итәсәк халыҡ-ара конкурстың икенсе этабына үткән. Уның өсөн һылтанма буйынса тауыш бирергә мөмкин: https://www.dobrovserdce.ru/#nominanty (сикһеҙ тапҡыр тауыш бирергә мөмкин).

Хайуандарҙың кемеһенә ниндәй урын биреләсәге, ә кемгә – үҙенсәлекле махсус бүләк тапшырылыры лауреаттарҙы тәбрикләү тантанаһында билдәле буласаҡ.

Фото: "Республика Башкортостан".