Бөгөн иҫкесә март башы. Ата-бабаларыбыҙ тап ошо көндәге һауа торошона ҡарап, яҙҙың, йәйҙең нисек килерен күҙаллаған. Ошо көнгә бәйле һынамыштарҙы иҫкә төшөрөп үтәйек.
1 мартта көн елле булһа, бөтөн йәй елле булыр.
1 мартта көн ҡояшлы, елһеҙ булһа, яҙ, йәй яҡшы булыр, иген уңыр.
Март башында сәпсек эсерлек һыу булһа, йыл яҡшы була.
Март башында тамсы тамһа, йәй яҡшы килә.
Март - марттың көнө шарт.
Мартта йылы булһа, йыл һалҡын була.
Мартта йылы булһа, яҙ һалҡын, елле була.
Мартта шарт та шорт, апрелдә апырыр ҙа шапырыр.
Марттың берендә аяҙ булһа, яҙ буйы аяҙ була.
Марттың шартын апрель сығарыр.
Март сыҡмай – дәрт сыҡмай.
Март берендә аяҙлыҡ – йәй көнө ҡыярға туҡлыҡ.
Мартта ҡар өҫтөндәге һалам ҡарға иреп инһә, бер айҙан ҡар китер.
Сығанаҡ: “Башҡорт ҡатын-ҡыҙы төркөмө” (vk.com/club36676061)
Фото: oir.mobi