Сафиндарҙың ейәндәре был хаҡта ишетеп ҡыуаныр

Учалы районынын Хәдис Сафиуллин Ҡотой ауылында йәшәгән Тәнзилә һәм Сәғиҙулла Сафиндар ғаиләһенә бушлай утын алып килгән. Ошо хаҡта социаль селтәрҙәге сәхифәһендә яҙған.

 “Ауылдың иң оло – 80 йәште үткән хөрмәтле кешеләренең ейәндәре  мобилизацияланған. Утынды тейәп алып барыуҙа ярҙам иткән ауыл егеттәренә, тракторсы Вәлит Ташйәновҡа ҙур рәхмәтемде белдерәм. Улар мөрәжәғәт иткән һайын ярҙам итә”, – тип уртаҡлашҡан Ҡолош ауылы старостаһы Хәдис Сафиуллин.

Сафиндарҙың ейәндәре олатай-өләсәйҙәрен ярҙамһыҙ ҡалдырмағандары тураһында ишетеп ҡыуаныр, тип уйлайбыҙ. 

Фото: vk.com