Ул күптәрҙе дауалап аяҡҡа баҫтырҙы

7 апрель – Бөтә донъя сәләмәтлек көнө – айҡанлы “Башҡортостан” гәзите ойошторған “Һаулыҡ һаҡсыһы” конкурсы дауам итә. Сираттағы конкурсантыбыҙ – Өфөләге “Виро Мед” компанияһының хирургы һәм урологы Эрнст Рәшит улы ШӘРИПОВ.

Оҫта белгес андролог һәм абдоминаль хирург вазифаларын да башҡара. Башҡортостан дәүләт медицина институтын тамамлағандан һуң артабанғы эшмәкәрлеге осоронда Ҡазан медицина университетында балалар урологияһы буйынса ла уҡып ҡайта. Ул күптәрҙе дауалап аяҡҡа баҫтырҙы. Ирҙәр түлһеҙлеген дауалау буйынса республикалағы иң уңышлы эшләгән белгестәрҙең береһе булып танылған.