Президент ҡарамағындағы Урындағы үҙидараны үҫтереү буйынса совет ултырышында Владимир Путин дәүләт һәм халыҡ араһында тура диалогтың әһәмиәтен билдәләне. Дәүләт башлығы һүҙҙәренсә, урындағы хакимиәт хеҙмәткәрҙәре халыҡҡа иң яҡын һәм улар өсөн бөтә йәмәғәт власы системаһының төп вәкилдәре булып тора.
"Тәжрибә күрһәтеүенсә, цифрлаштырыу бындай кире бәйләнештең сифатын һәм һөҙөмтәлелеген арттыра. Советтың үткән ултырышында беҙ төбәктәр менән идара итеү үҙәктәрен булдырыу тураһында һөйләштек. Бөгөн бындай үҙәктәр федерацияның бөтә субъекттарында ла әүҙем эшләй, кешеләрҙән яҡшы баһа ала. Был тәжрибәне муниципаль кимәлгә лә таратырға кәрәк", - тип билдәләне Президент.
Төбәктәр менән идара итеү үҙәктәре Рәсәйҙең 83 субъектында эшләй. ЦУР асылғандан алып, 2020 йылдың декабрендә, социаль селтәрҙәрҙә һәм "Дәүләт хеҙмәттәре" платформаһында ҡалдырылған 13,7 миллиондан ашыу халыҡтың тәҡдимдәре һәм ялыуҙары эшкәртелә. 2020 йылдан «Диалог» подразделениелары граждандар һәм урындағы власть араһында интернет-коммуникация операторы булып тора.
Рәсәй Президенты билдәләүенсә, ихтыяждары һәм проблемалары булған кешеләр тәү сиратта муниципалитет хеҙмәткәрҙәренә мөрәжәғәт итә, уларҙан үҙҙәренең башланғыстарына һәм үтенестәренә иғтибарлы ҡараш көтә.
ЦУР методологияһы буйынса бындай диалогты тәьмин итеү өсөн Рәсәйҙә 530 муниципаль идара итеү үҙәге булдырылған. Улар шулай уҡ ҡала һәм район кимәлендәге интернет-хәбәрҙәрҙе эшкәртә һәм власть органдары менән халыҡ араһындағы коммуникацияларҙы үҫтереү өсөн яуаплы.
Фото интернеттан.
