Батарея хеҙмәткә әҙер!

Бөгөн М. Серафимов исемендәге “Патриот” хәрби-патриотик паркынан С. Зорин исемендәге Башҡорт танк батальоны һәм Ш. Сөләймәнов исемендәге Башҡорт зенит-артиллерия батареяһын хәрби әҙерлеккә оҙатыу тантанаһы үтте.

Был сара ваҡытында Шәриф Сөләймәнов исемендәге Башҡорт зенит-артиллерия батареяһы командиры, өлкән лейтенант Айҙар Исмәғил улы Хәбилов үҙ фекерҙәре менән уртаҡлашты.

– Кәйеф күтәренке, батарея хеҙмәткә әҙер. Бөгөнгө сараның әһәмиәте бик ҙур. Тыуған илде һаҡларға кәрәк, был ир-аттың изге бурысы. Шуға беҙ юлланырға булдыҡ. Алдыбыҙға ҡуйылған бурыстарҙы анығыраҡ итеп әйтә алмайбыҙ, тик төп бурыс бер – Тыуған илде һаҡларға. Беҙҙең батареяға Советтар Союзы Геройы Шәриф Сөләймәнов исеме бирелде. Беҙ уның вариҫтары уның исеменә тап төшөрмәҫкә тырышырбыҙ. Һалдаттар, старшинлар менән вәғәҙәне үтәргә тейешбеҙ. Минең бурысым иһә – егеттәрҙе һаҡлап ҡалырға, бурыстарҙы, приказдарҙы еренә еткереп үтәргә.

Фото: "Башинформ".