Өфөлә Ирекмәндәр әҙерләү үҙәге эшләй

Башҡортостанда "Берҙәм Рәсәй" партияһының Йәмәғәт ярҙамы штабы эшләй. Штабтың эшмәкәрлеге сиктәрендә  “Берҙәм Рәсәйҙең йәш гвардияһы” Бөтә Рәсәй йәмәғәт ойошмаһының төбәк бүлексәһе  Донецк һәм Луганск халыҡ республикаларының азат ителгән биләмәләренә  ярҙам итеү маҡсатында Ирекмәндәр әҙерләү үҙәген асты. Унда теләгән һәр кем тактик медицина нигеҙҙәрен өйрәнә, шулай уҡ "Берҙәм Рәсәйҙең йәш гвардияһы"ның гуманитар миссияһында ҡатнашыусыларҙың функционалы һәм бурыстары менән таныша ала.

Шулай уҡ майҙансыҡта йәш гвардиясылар ойошманың яңы төбәктәрҙәге эшмәкәрлеге һәм республикала мобилизацияланғандарҙың ғаиләләренә ярҙам тураһында фотокүргәҙмә менән таныштырға мөмкин.

Бынан тыш, башҡа майҙансыҡтарҙа махсус хәрби операция биләмәһенә ебәреү өсөн махсус әйберҙәр күргәҙмәһе, бетеүҙәр, сәләмәтлек беләҙектәрен, һаулыҡ мөмкинлектәре сикләнгән балалар өсөн сенсор уйынсыҡтары эшләү буйынса оҫталыҡ дәрестәре ойошторола.

Штабты асыу тантанаһында, 23 июндә, "Берҙәм Рәсәй" партияһының Төбәк бүлексәһе секретары Радий Хәбиров ҡатнашты.

 – Йәмәғәт ярҙамы штабы үҙен Ватан мәнфәғәтендә үҫергә һәм эшләргә теләгән әүҙем кешеләрҙе берләштерәсәк. Бында кешеләргә үҙ башланғыстарын тормошҡа ашырырға һәм төбәкте үҫтереүгә йүнәлтелгән уңышлы проекттарҙы формалаштырырға ярҙам итәсәктәр. "Берҙәм тәҙрә" режимында гуманитар миссия менән азат ителгән биләмәләргә барырға йыйынған ирекмәндәрҙе  уҡыта аласаҡбыҙ, – тине “Берҙәм Рәсәйҙең йәш гвардияһы” төбәк бүлексәһе етәксеһе, координация Советы ағзаһы Оскар Лютов.

 Фото: bashkortostan.er.ru