Ҙур сараға барыһы ла әҙер

26 июндә Башҡортостанға Рәсәйҙең Федерация Советы Рәйесе урынбаҫары Юрий Воробьёв килде. Өфө аэропортында уны Башҡортостан Башлығы Радий Хәбиров ҡаршы алды. Сәфәр программаһында – X Рәсәй һәм Беларусь төбәктәре форумы сараларында ҡатнашыу.

Радий Хәбиров менән Юрий Воробьёв форумдың ваҡиғалар майҙансыҡтарының әҙерлеген баһаланы.

Мәҫәлән, аэропорттан килгән юлда улар Өфө хосписында булды, уны Форум ваҡытында асырға ниәтләйҙәр. Биналарҙың заманса комплексы дауалап булмаҫлыҡ сир менән яфаланған өлкәндәргә һәм балаларға паллиатив ярҙам күрһәтеү өсөн төҙөлгән. Был Рәсәйҙә ошондай махсуслашыу өсөн проектланған берҙән-бер учреждение.

Радий Хәбиров менән Юрий Воробьев балалар блогын, ашхананы, бассейнды һәм башҡа биналарҙы ҡарап сыҡты. Стационар 60 койкаға иҫәпләнгән, шуларҙың 20-һе – балалар өсөн. Ата-әсәләр һәм туғандары өсөн ҡунаҡ бүлмәләре ҡаралған.

Шуны билдәләп үтәйек: хоспис эшҡыуарҙарҙың һәм айырым кешеләрҙең иғәнәләренә төҙөлгән. Күп компаниялар проектҡа үҙҙәренең хеҙмәте һәм продукцияһы менән ярҙам итте.

– Хоспистың төҙөлөше ысын мәғәнәһендә халыҡ байрамына әйләнде. Ул мохтаждарға ярҙам итеү өсөн вайымһыҙ булмаған кешеләрҙе берләштерҙе, – тип билдәләне Радий Хәбиров.

Һуңынан Радий Хәбиров менән Юрий Воробьёв Беларусь Республикаһы Милли йыйылышы Советы Рәйесе урынбаҫары Валерий Бельский менән “Дуҫлыҡ урамы” этник мәҙәниәттәр фестивалендә – халыҡ хужалығы ҡаҙаныштары күргәҙмәһен һәм Рәсәй, Беларусь төбәктәренең милли ихаталары урынлаштырған тематик йәйәүлеләр зонаһында булды.

Башҡорт тирмәһендә ҡунаҡтарға Башҡортостандың Халыҡтар дуҫлығы йортоноң “Дуҫлыҡ балаҫы” үҙенсәлекле проекты тәҡдим ителде. Уны “Ағиҙел” предприятиеһы һәм башҡорт оҫталары ҡатнашлығында республиканың тарихи-мәҙәни үҙәктәре хеҙмәткәрҙәре ойошторҙо. Был әйберҙәрҙе Башҡортостанда йәшәгән халыҡтарҙың биҙәктәре нигеҙендә яһағандар.

“Дуҫлыҡ урамы”нда Башҡортостандың рус, башҡорт, татар, мари, удмурт, мордва, мишәр һәм сыуаш халыҡтарының, шулай уҡ Белоруссия төбәктәре – Гомель, Витебск, Ульяновск, Минск, Могилёв, Брест өлкәләре һәм Минскиҙың ихаталары ҡуйылған. Фестивалдә ҡатнашыусылар бында Беларустең традицион һөнәрҙәре төрҙәрен ҡарай ала.  

Һуңынан Радий Хәбиров, Юрий Воробьев һәм Валерий Бельский Рәсәй һәм Беларусь төбәктәренең халыҡ хужалығы ҡаҙаныштары күргәҙмәһен ҡараны. Унда ике дәүләттең 19 төбәгенән 110 берәмек ауыл хужалығы, коммуналь, юл техникаһы, еңел, йөк һәм йәмәғәт транспорты тәҡдим иткән компаниялар ҡатнаша. Экспозицияның бер өлөшө 2,7 мең квадрат метр майҙанда урынлашҡан павильонда урынлашҡан, унда аҙыҡ-түлек һәм аҙыҡ-түлек булмаған тауарҙар тәҡдим иткәндәр.

– Был ваҡиғаны оҙаҡ көттөк. Беҙ Белорусиянан партнерҙар менән үҙ-ара килешеп эш иттек. Был беҙҙең өсөн бик мөһим һәм файҙалы, - тип билдәләне Радий Хәбиров. - Бөгөн дә күргәҙмәлә - берлектәге эшебеҙҙең аныҡ һөҙөмтәләре.

Фото: Башҡортостан Башлығы сайты.