Ике ҡатлы йорт яна!

Башҡортостандың  Ғәҙәттән тыш хәлдәр министрлығында белдереүҙәренсә, Өфө ҡалаһы, Ленин районы, Әхмәтов урамы, 291-се йорт адресы буйынса әлеге ваҡытта 30х20 метр ҙурлыҡта ике ҡатлы йорттоң ҡыйығы яна.

Унда йәшәүселәр юҡ, кешеләр күсерелгән булған. Янғын урынында  Рәсәйҙең Ғәҙәттән тыш хәлдәр министрлығының  14 хеҙмәткәре, 5 берәмек техника эшләй.

Ғәҙәттән тыш хәлдең сәбәбе белгестәр тарафынан асыҡланасаҡ.

Мәғлүмәт  - оператив, бар үҙенсәлектәре аныҡлана.

Көндәр эҫе тора, хәүефһеҙлек сараларын күрегеҙ!

R.S. Һуңғы мәғлүмәттәр буйынса, 18.45  сәғәттә  600 квадрат метр майҙанда янғын һүндерелгән, зыян күреүселәр юҡ. 

Фото һәм видео социаль селтәрҙән:bashkiria_ru, Башҡортостандың  Ғәҙәттән тыш хәлдәр министрлығы