Һеҙҙең уңышығыҙ нисек булды?

Краснокама районының Яңы Йәнйегет ауылында йәшәүсе  Марсельеза менән Ибраһим Камбаровтар элек ҡалала ғүмер итһәләр, бөгөн ауылдың иң уңған ғаиләләренең береһе. Йорт-ихаталары тирә-яҡҡа йәм биреп ултыра: баҡсалары ла гөрләп үҫә, теплицаларында помидорҙарының әллә нисә сорты бешеп ултыра.

– Март айында уҡ үрсетмәгә помидор, борос һымаҡ йәшелсәләрҙе сәсә башлайым. Шул ваҡыттан эш тынмай. Ҡыярҙарҙы июнь башында ашай башланыҡ, - тине егәрле хужабикә.

Донъяларын күркәм итеп кенә тотмайҙар, йәмәғәт эштәрендә әүҙем булыуҙары ла һоҡландыра. Марсельеза Ҡасим ҡыҙы  - ауылдың "Йәшлек" вокаль ансамбленең иң әүҙем ағзаларының береһе.

Автор фотоһы.