Ҡыҙҙың яҙмышы һеҙҙән тора

Волга буйы федераль округында 14 йәмәғәт проекты тормошҡа ашырыла. Башҡортостан Республикаһының Йәштәр сәйәсәте буйынса дәүләт комитеты рәйесе Яна Гайдук әйтеүенсә,  «ФормАРТ» стрит-арт фестивале Волга буйы федераль округында урам сәнғәтен үҫтереүгә, йәш рәссамдарҙың ижадына ярҙам итеүгә, округ төбәктәрендә заманса ҡала мөхитен һәм яңы мәҙәни кодтар булдырыуға йүнәлтелгән. "ФормАРТ" фестивалендә конкурста беҙҙең төбәктән «Белем юлы» эше менән Руфь Бикмәева сығыш яһай.

Руфь Әлшәй районының Раевка ауылында һынлы сәнғәттән уҡыта. Композицияның үҙәк өлөшөндә стилләштерелгән ваҡыт тәгәрмәсе һүрәтләнгән. Унда илебеҙҙең тарихи үткәне төрлө дәүерҙәргә бүленгән. Ҡағыҙ ҡош (оригами) барлыҡ белемде үҙенә туплап, киләсәккә оса.

Руфь Бикмәева  граффитиһына тауыш биреү өсөн бушлай 8 (800) 301-50-23 номерына шылтыратырға һәм “1” эш һанын яҙырға кәрәк. Фестиваль йомғаҡтарын 25 августа онлайн-трансляция ваҡытында асыҡлана.

Яҡташыбыҙға уңыштар теләйбеҙ!