Республика йәштәре Евразия студенттар кампусын нисек күҙ алдына килтереүҙәрен һөйләне

Сараға Рәсәйҙең төрлө ҡалаларында белем алған Башҡортостандан сыҡҡан йәштәр берләшмәһе вәкилдәре йыйылды.

– Форум дүртенсе тапҡыр үткәрелә, быйыл тәүге тапҡыр йәштәр сәйәсәте вәкилдәре һәм ойошмалары белгестәре өсөн тематик смена планлаштырҙыҡ, – тине Башҡортостандың Йәштәр сәйәсәте буйынса дәүләт комитеты рәйесе Яна Гайдук. – Йәш быуын өсөн был форум һөнәри яҡтан үҙеңде үҫтереү, тәжрибә туплау ғына түгел, шулай уҡ үҙ проектың өсөн финанс ярҙамы алыу мөмкинлеге лә.

Форум сиктәрендә донъя кимәлендәге Евразия фәнни-белем биреү үҙәгенең юғары уҡыу йорттары араһындағы студенттар кампусын үҫтереүгә арналған стратегик сессия үтте.

Форумда ҡатнашыусылар был объектты үҫтереү буйынса фекерҙәре менән уртаҡлашты.

 – Евразия кампусының йыһазландырыуы ниндәй булырға тейеш?

 – Спорт залы, чил-зона, коворкинг, бассейн, бушлай психолог, буфет, китапхана, технопарк, лабораториялар, конференц-залдар, кондиционерҙар, ижад кабинеттары, студияһы, намаҙ уҡыу урындары, лингафон кабинеты, ҡатнашыусылар өсөн бүлмәләр, гардероб – бөгөн иң көнүҙәк йүнәлештәр.

– Юғары уҡыу йорттары алдында ниндәй бурыс тора тип уйлайһығыҙ?

– Студенттарҙы практикаға ебәреү һәм кампусты шуның менән популярлаштырыу. Ә студенттарҙың һәм ойошмаларҙың бурыстары – экскурсиялар үткәреү, сараларҙа ҡатнашыу, яңы бәйләнештәр, йәш белгестәр эҙләү, сит илдә стажировкалар ойоштороу.

Медиайыйында ҡатнашыусылар шулай уҡ бөгөн медицина һәм иҡтисад кеүек йүнәлештәрҙе үҫтереү бик мөһим тип иҫәпләй.

Фотолар: БР Йәштәр сәйәсәте буйынса дәүләт комитетының матбуғат хеҙмәтенән.