Һаҡ булығыҙ: юлдарҙа томан көтөлә!

Аҙна уртаһында Башҡортостанда һауа температураһы бер градусҡа тиклем түбәнәйәсәк.

Синоптиктар алдағы көндәрҙә Башҡортостанда һауа торошо ҡоро һәм йылы буласаҡ, тип вәғәҙә итә.

Ә бына төнгө температура күпкә түбәнгә төшәсәк.   

Иртәгә, 27 сентябрҙә, ел төньяҡ-көнбайыштан, секундына 3-8 метр тиҙлектә иҫеүе көтөлә. Һауа температураһы төндә 6-11 градус йылы буласаҡ,  урыны менән 1 градус йылыға тиклем етәсәк. Көндөҙ 15-20 градус йылы вәғәҙәләйҙәр.  

Уларҙың һүҙҙәренсә, кесаҙна, 28 сентябрҙә лә, ошондай уҡ һауа торошо көтөлә.

Автомобилдә йөрөүселәргә айырыуса иғтибарлы булыу фарыз:  юлдарҙа иртәнге сәғәттәрҙә ҡуйы томан көтөлә, күреү ихтамаллығы 500 метрҙан артмаясаҡ.

Фото: cs13.pikabu.ru