"Аяҡлы энциклопедия" ул

Әбйәлил районының Буранғол ауылынан 94 йәшлек Бәширә инәй Ололар байрамында илһөйәрлек рухы менән һуғарылған Башҡортостандың халыҡ шағиры Мостай Кәримдең шиғырын һөйләгән. Ул ихлас күңелдән ил-йорттоң тыныс булыуын теләй.

Уның ошондай оло йәштә булыуына ҡармаҫтан, шиғырҙар ятлап, әүҙем тормош алып барыуына ауылдаштары ла һоҡлана.

“90 йәш кенә түгел әле, 94-се йәш менән бара Бәширә Шәкүр ҡыҙы, ветеран уҡытыусы. Хәтере шәп, торғаны менән энциклопедия, тере тарих инде. Һаулыҡ, бәхетле ҡартлыҡ һеҙгә, Бәширә апай!” – тип яҙа Мәрйәм Шакирова.

Беҙ ҙә абруйлы ветеран уҡытыусыға һаулыҡ һәм бәхетле ҡартлыҡ теләйбеҙ.

Фото: скриншот.

Видеояҙма: vk.com/askarovskie