Спорт йәштәр өсөн генә түгел

Бына яңыраҡ Күгәрсен районының “Бөркөт” стадионында “Әүҙем тулҡында” тигән проект буйынса 55 йәштән өлкәндәр араһында ярыштар үткәрелгән. Был проект – “Надежда” ветерандар һәм инвалидтарҙың социаль реабилитацияһы ойошмаһы менән район үҙәк китапханаһының уртаҡ эше. Проект конкурста еңеп, Башҡортостан Башлығы грантына лайыҡ булған.

160-тан артыҡ ағай-апайҙар йүгереүҙә, армрестлингта, арҡан тартыуҙа көс һынашҡан, шашка уйынында һәм башҡаларҙа ла дәррәү ҡатнашҡан.

Ни тип әйтәһең, афариндан башҡа! Һаулыҡты табиптарға даими күренеп кенә түгел, ә йылдам хәрәкәт, физик күнекмәләр ярҙамында ла ҡайғыртырға мөмкин икәнен иҫбатлай өлкәндәр.

Сығанаҡ: vk.com/mrkugarchigrouprb