Бына ниндәй егет үҫә Баймаҡта!

– «Бәйләнештә» социаль селтәрендә ҡала халҡы күпләп ултырған төркөмдәрҙә «Төрлө физик эш башҡарам» тип иғлан яҙам. Күберәк оло йәштәге инәйҙәр һәм бабай­ҙар шылтырата. Музыка ҡуйып алам да рәхәтләнеп эшләйем. Беҙ бит ғаиләлә дүрт бала, әсәйем беҙҙе яңғыҙ үҫтерә, шуға ла ярҙам итергә тейешмен, тип уйлайым. Эш хаҡын да тулыһынса уға бирәм, – ти уңған үҫмер.

Юлдаш йәйге каникулда ла тик ятмаған – туғандарына өй төҙөшөүҙә ҡатнашҡан, үҙҙәренең ҡаҙ бәпкәләрен көн дә Таналыҡ йыл­ғаһында йөҙҙөрөргә йөрөткән. Ҡыҙғанысҡа ҡаршы, үҫтереп еткергән ҡошсоҡтарын күптән түгел берәҙәк эттәр талап киткән. Шулай ҙа үҫмер төшөнкөлөккә бирелмәй: «Иң мөһиме, һаулыҡ булһын, ҡалғанын эшләп табырбыҙ», – ти.

Юлдаш Ҡаһарманов интернет селтәрендә башҡорт телендә блог алып бара. Шул уҡ ваҡытта Юлдаш телефонда һәм интернет селтәрендә оҙаҡ ултырырға яратмай, аудиторияһы менән эш ара­һында ғына аралаша. Һәр нәмәлә сама кәрәклеген яҡшы аңлай ул.
Бына ниндәй егет үҫә Баймаҡ­та!

Ә һеҙҙең балалар каникулын нисек үткәрә?

Автор: Нурзиә ХӘСӘНОВА.
Фото һәм видео Юлдаш Ҡаһармановтың шәхси архивынан алынды.